Մամլոյ Ասուլիս, Ներկայացնելու Համար <<Քահանայապետի Ձայնասփիւռի 80- ամեակը>> Վերտառութեամբ Հատորը։

Յառաջիկայ երեքշաբթի՝ 4 հոկտեմբերի յետ միջօրէի ժամը 17.30-ին, Հռոմի Լումսա համալսարանի Պատուոյ Սրահին մէջ մամլոյ ասուլիսի ընթացքին պիտի ներկայացուի <<Քահանայապետի ձայնասփիւռի ութսուն ամեակը>> վերտառութեամբ գիրքի 2 հատորները, որոնց հեղինակներն են ֆերնանտօ Պէա եւ Ալեսանտրօ Տէ Գարոլիս։
Ներկայացումը կը կատարեն Ռատիովատիկանի ընդհանուր տնօրէն հայր ֆետերիքօ Լոմպարտին եւ իտալական Շոգեկառքի ընկերութեան ընդհանուր վարիչ՝ Տիար Մաուրօ Մորեթթին, ինչպէս նաեւ՝ Վատիկանի հրատարակչատան Տնօրէն՝ հայր Ճուզեբբէ Գոսդա, նաեւ Սէրճօ Վալծանիա <<Ռատիօ Ռաի>> ի փոխ տնօրէնը ու Ալէսսանտրօ Դէ Գարոլիս գիրքին երկրորդ հատորին հեղինակն ու Ռատիովատիկանի լրագրող։